Published: 28-07-2019

పార్టీని బలోపేతం చేయడంపై జనసేన అధినేత పవన్‌ కళ్యాణ్‌ దృష్టి సారించారు. అందులో భాగంగానే సోమవారం నుంచి సమావేశాలు నిర్వహించనున్నారు. పార్టీలోని వివిధ కమిటీలతోనూ, నాయకులతోనూ ఆయన సుదీర్ఘంగా సమావేశాలు నిర్వహించబోతున్నారు. పార్లమెంటరీ నియోజకవర్గాల వారీగా జరిగే ఈ సమావేశాలను మంగళగిరి, విజయవాడలోని పార్టీ కార్యాలయాల్లో నిర్వహించనున్నారు. పార్టీ బలోపేతంపై క్రీయాశీలక కార్యకర్తలు, ముఖ్యనేతలతో చర్చలు నిర్వహిస్తారు. 29న 11 గంటలకు ఈ సమావేశాలు ప్రారంభమవుతాయి. అదే రోజు సాయంత్రం పొలిటికల్‌ ఎఫైర్స్‌ కమిటీ సమావేశం విజయవాడ కార్యాలయంలో జరుగుతుంది. 30న 11 గంటలకు నరసాపురం, 4 గంటలకు కాకినాడ, 31న 11 గంటలకు రాజమహేంద్రవరం ఎంపీ నియోజకవర్గాల నేతలతో ఆయన భేటీ అవుతారు.