ఆంధ్రప్రదేశ్ వ్యాప్తంగా ఇదే చర్చ...

ఆంధ్రప్రదేశ్‌లో చైతన్యం వెల్లివిరిసింది. పోలింగ్ కేంద్రాలకు ఓటర్లు పోటెత్తారు. గంటలకొద్దీ క్యూలైన్లలో నిలబడి మరీ తమ ఓటు హక్కును వినియోగించుకున్నారు. మండుటెండలను సయితం లెక్క చేయకుండా పోటింగ్ బూత్‌ల బాట పట్టారు. ఈ పరిణామం దేనికి సంకేతం? ఈ తీర్పు ఎటువైపు మొగ్గు చూపబోతోంది? ఇప్పుడు ఆంధ్రప్రదేశ్ వ్యాప్తంగా ఇదే చర్చ జరుగుతోంది. గురువారం సాయంత్రం పోలింగ్ ముగిసే సమయానికి అంటే 6 గంటల వరకు మొత్తం 75 శాతం వరకు పోలింగ్ నమోదయింది. క్యూలైన్లలో ఉన్నవారు ఓటేసిన తర్వాత ఓటింగ్ 80 శాతం దాటవచ్చని ఈసీ అంచనా వేసింది. ద్వివేది స్వయంగా ఈ విషయం చెప్పారు. ఏపీ భవిష్యత్తుకు ఎవరు అవసరమో ఓటరు తన నిర్ణయాన్ని ఓటు ద్వారా తెలిపారు.