చంద్రబాబుకు పట్టిన గతే జగన్‌కూ పడుతుంది

ఎస్సీ వర్గీకరణ రాజ్యాంగ విరుద్ధమని సీఎం జగన్మోహన్‌రెడ్డి చేసిన వ్యాఖ్యాలను విరమించుకోవాలని కృష్ణ మాదిగ కోరారు. ఈ వ్యాఖ్యాలను విరమించుకోవాలని గాంధేయ మార్గంలో ఈ నెల 20న గుంటూరు నుండి అసెంబ్లీ వరకు ఎస్సీ వర్గీకరణ సాధన యాత్ర పేరుతో చేపట్టిన పాదయాత్రకు పోలీసులు అనుమతి ఇవ్వలేదని అన్నారు. 30న ఆంధ్రప్రదేశ్‌ అసెంబ్లీని ఏ రూపంలోనైనా ముట్టడిస్తామని ఆయన స్పష్టం చేశారు. ఎమ్మార్పీఎస్‌ రాష్ట్ర అధ్యక్షుడు బ్రహ్మయ్య మాదిగను పోలీసులు అరెస్టు చేయడాన్ని ఆయన తీవ్రంగా ఖండించారు.